2011.02.09 Сĕнỹсем кĕтетпĕр («Яльчикский край (Елчĕк ен)», Яльчики )

2011 çулхи çĕртме уйăхĕн 1 - 4-мĕшĕсенче Ульяновск облаçĕн территорийĕнче Пĕтĕм чăвашсен "Акатуй-2011" наци уявĕ иртĕ. Çакнашкал пысăк пĕлтерĕшлĕ мероприятие Федераци центрĕн тата Чăваш Республикин тулашĕнче пуçласа йĕркелеççĕ. Унăн тĕп тĕллевĕ - чăваш халăхĕн йăли-йĕркине упраса хăварасси тата чĕртсе тăратасси. Çавăнпа та уява йĕркеленĕ чух ăруран ăрăва куçса пыракан ăс-пурлăхпа, унăн тĕп "шăнăрĕпе" усă курмасăр тăма май çук. Ульяновск облаçĕн Правительстви Чĕмпĕрте ирттерекен Акатуя хатĕрленмешкĕн пулăшма ыйтать. Хăвăрăн сĕнĕвĕрсене, шухăшăрсене йĕркелỹ комитечĕн адресĕпе ярса памалла. Чăваш халăхĕн, унăн пултаруллă çыннисен кун-çулĕпе, йăли-йĕркипе, наци апачĕпе, литературипе, çитĕнĕвĕпе çыхăннă кирек мĕнле информаципе хыпар та усăллă пулĕ. Чи лайăх шухăшсене, сĕнỹсене конкурс йĕркипе палăртĕç. Çĕнтерỹçине Ульяновск облаçĕн кĕпĕрнаттăрĕн - Правительство Председателĕн Сергей Морозовăн асăну парнипе чыслĕç. Текст, çавăн пекех сăн ỹкерчĕксемпе видео- материалсене politik@ulgov.ru е çырупа çак адреспа ярса памалла: 432063, Российская Федерация, г.Ульяновск, пл. Ленина, д.1. Электрон çырăвăн темине "Акатуй - 2011" тесе çырмалла тата информаци параканĕпе çыхăнмалли майсене палăртмалла. Хушма информацие Ç7 (8422) 41-31-48 телефонпа пĕлме пулать. Сĕнĕвĕрсене çавăн пекех Ульяновск облаçĕн Правительствин официаллă сайтĕнче те хăварма пултаратăр. Пĕтĕм чăвашсен "Акатуй - 2011" наци уявĕн йĕркелỹ комитечĕ.