«ХĔРЛĔ-ХĔРЛĔ, ХĔРЛĔ МĂКĂНЬСЕМ..»

«ХĔРЛĔ-ХĔРЛĔ, ХĔРЛĔ МĂКĂНЬСЕМ..»

Хĕрлĕ-хĕрлĕ, хĕрлĕ мăкăньсем,

Виçĕм çул чечеклĕн чĕрлнисем,

Ҫил çилленчĕ, ҫил вĕçтерчĕ-çке сире,

Хăйăр хĕртрĕ çеп-çемçе çĕре.

Чĕлтĕрти çеçкеллĕ мăкăньсем,

Виçĕм çул чечеклĕн чĕрлнисем!

Эпĕ — сирӗн хуçăр — инçетре

Выçăхса сĕтĕрĕнсе çӳреп,

Хĕрлĕ-хĕрлĕ мăкăньсене асăнса,

Хĕрлĕ мăкăньсемшăн хуйхăрса.

Йĕлпер хĕрлĕ тăрлă мăкăньсем,

Виçĕм çул чечеклĕн чĕрлнисем,

Çут хĕвеллĕ кăнтăрла ăшши

Каллех çавăрăнса килĕ-ши?

Симĕс çитлĕ çимĕç пахчара

Кĕтсе илейĕр-ши хуçăра?

Хĕрлĕ-хĕрлĕ, хĕрлĕ мăкăньсем,

Виçĕм çул чечеклĕн чĕрлнисем,

Ҫил çилленчĕ, ҫил вĕçтерчĕ-çке сире, —

Хуçăр выçă çӳрет инçетре.

1922 ç. пушăн 20-мĕшĕ

Чернигов